2025 ஆம் ஆண்டிற்கான வருடாந்திர ராசி பலன்கள்

2025 ஆம் ஆண்டு மேஷம் முதல் மீனம் வரை இந்த மாதம் எப்படி இருக்கும்? 

கிரக பெயர்ச்சிகள் மூலம் ஒவ்வொரு  ராசிக்காரர்களுடைய வாழ்விலும் ஏதேனும் சில மாற்றங்கள் ஏற்படக்கூடும். அவை நன்மை தரும் மாற்றங்களாக இருக்கலாம் அல்லது ஏதேனும் பாதிப்புகளை ஏற்படுத்தும் மாற்றங்களாக இருக்கலாம். இந்த மாற்றங்கள் ஒவ்வொரு ராசியை பொறுத்து மாறும். 2025 ஆம் ஆண்டின் முதல் ஆங்கில மாதமான ஜனவரி மாதத்தில் என்னென்ன கிரக மாற்றங்கள் நடக்க உள்ளது என்பதையும், மேஷம் முதல் மீனம் வரையிலுள்ள  ராசிக்காரர்களுள்  யாருக்கு அதிர்ஷ்ட மழை  பொழிய போகிறது என்பதையும், எந்தெந்த ராசிக்காரர்கள் எச்சரிக்கையாக இருக்க வேண்டும் என்பதையும் இனி விரிவாக காணலாம்.

2025 இல்நிகழக்கூடிய கிரக பெயர்சிகள்

• 04.01.2025 – தனுசு ராசிக்கு புதன் பெயர்ச்சியாக உள்ளார்.
• 14.01.2025 – மகர ராசிக்குள் சூரிய பகவான் நுழைகிறார். 
• 21.01.2025 – மிதுன ராசிக்குள் செவ்வாய்  நுழைகிறார்.
• 24.01.2025 – மகர ராசிக்குள் புதன் நுழைகிறார்.
• 28.01.2025 – சுக்கிரன் மீன ராசிக்குள் நுழைகிறார். 

2025 ஆம் ஆண்டிற்கான வருடாந்திர ராசி பலன்கள்

மேஷம் 

மேஷ ராசிக்காரர்களே! உங்கள் ராசி நாதன் செவ்வாய்,நீச்சமடைந்தார். இருப்பினும் உங்கள் ராசியின்  பதினோராம் ஆம் இடத்தில் சுக்கிர பகவான் மற்றும் சனி பகவான் வலுவான நிலையில் உள்ளதால், பணம் சம்பந்தப்பட்ட விஷயங்கள் அதிக அளவில் கை கூடும். புதிய ஆண்டின் தொடக்க மாதமான ஜனவரியில் முதல் இரண்டு வாரங்கள் நீங்கள் செய்யும் அல்லது செய்ய நினைக்கும் செயல்கள் பல குழப்பத்தை ஏற்படுத்த வாய்ப்புள்ளது. சில ஏற்பாடுகள்  தடங்கல் ஆவதற்கும் வாய்ப்பு உள்ளது. கணவன் மனைவிக்குள் தேவையில்லாத மனஸ்தாபங்கள் ஏற்படக்கூடும்.ஆனால் அதே ஜனவரி மாதத்தின் கடைசி இரண்டு வாரங்கள் நன்றாக அமையும். முதல் இரண்டு வாரங்களில் இருந்த குழப்பம் தடங்கல் அனைத்தும் நீங்கும். உங்கள் ராசியின் இரண்டு பதினோராம் இடங்களும் நல்ல நிலையில் வலுவாக காணப்படுவதால் வேலைவாய்ப்பு, வியாபாரம் தொழில் நன்றாக அமையும்.

ஜனவரி மாதத்தில் 15ஆம் தேதிக்குப் பிறகு வரக்கூடிய  தை மாதம் உங்களுக்கு அமோகமாக அமையும். வரண் தேடி வந்தவர்களுக்கு நல்ல இடத்தில்  வரன் அமையும். நிச்சய தாம்பூலம் மாற்றுதல், கல்யாண தேதி குறித்தல் போன்ற சுப விசேஷங்கள், தை மாதத்தில் நடப்பதற்கான வாய்ப்பு அதிகம் உள்ளது. உங்கள் ராசியில் சனிபகவான் மற்றும் சுக்கிர பகவான் ஒன்றாக இருப்பதனால் வியாபாரம் செய்பவர்களுக்கு ஜனவரி 15ஆம் தேதிக்குப் பிறகு, உங்கள் வியாபாரத்தின் மூலமாகவோ, நீங்கள் செய்யும்  சிறு குறு தொழில்கள் மூலமாகவோ, அல்லது நீங்கள் செய்யும் ஏதேனும் தொழிலின் மூலம் உங்களுக்கு இரட்டிப்பு  வருமானம் வருவதற்கான சாத்தியக்கூறு அதிகம் காணப்படுகிறது. கடந்த காலத்தில் பல தோல்விகளை சந்தித்த மேஷ ராசிக்காரர்களான நீங்கள்,இனி  வெற்றியை சந்திக்கக்கூடிய நேரம் இந்த மாதத்தில் கை கூடுகிறது. அதிலும் குறிப்பாக இளைஞர்களுக்கு இளம் வயதினர்களுக்கு 2025 ஜனவரி மாதத்தில் பல யோகங்கள் காத்துக் கொண்டிருக்கிறது. படித்துக் கொண்டிருக்கும் மாணவ  மாணவிகள்  நல்ல மதிப்பெண் பெறுவார்கள். மேஷ ராசிக்காரர்களா உங்களுக்கு 2025 ஜனவரி மாதம் அற்புதமான மாதம் ஆக அமைந்துள்ளது.

ரிஷபம் 

ரிஷப ராசிக்காரர்களே! 2025 ஆம் ஆண்டின் ஜனவரி மாதம் பல மாற்றங்களை தரக்கூடிய மாதமாக உங்களுக்கு அமைந்துள்ளது. உங்கள் ராசியில் புதன், குருவின் பார்வையில் உள்ளார். மேலும் சனி பகவானும் சுக்கிர பகவானும் சேர்ந்து உங்கள் ராசியின் பத்தாம் இடத்தில் உள்ளதால், தொழிலில் பல மாற்றங்களும் பல  முன்னேற்றங்களையும் காணலாம். சுயத்தொழில், வியாபாரம் அல்லது  எந்த தொழில் செய்பவர்களாக இருந்தாலும், ஜனவரி மாதத்தில் 15ஆம் தேதிக்கு பிறகு வரக்கூடிய தை மாதத்தில் இருந்து உங்கள் வருமானம்  உயர்வு மற்றும் பதவி உயர்வு போன்றவை கிடைப்பதற்கான வாய்ப்புகள் காணப்படுகிறது. 

நீங்கள் செய்து கொண்டிருக்கும் வியாபாரத்தில் அல்லது தொழிலில் சில மாற்றங்கள் ஏற்படுவதற்கான வாய்ப்பு உள்ளது. அதாவது சொந்தமாக தொழில் செய்ய வேண்டும், சொந்தமாக வியாபாரம் செய்ய வேண்டும் என்று நினைத்துக் கொண்டிருக்கும் ரிஷப ராசிக்காரர்களுக்கு வருகின்ற தை மாதத்திற்குப் பிறகு சொந்தத் தொழில் செய்வதற்கான வாய்ப்புகள் கிடைக்கும். சுயமாக வியாபாரம் தொடங்க வேண்டும் சொந்தமாக தொழில் தொடங்க வேண்டும் என்று  நினைப்பவர்கள் நீங்கள் முதலீடு செய்வதற்கான பணம் உங்களுக்கு வந்து சேரும், நன்றாக தொழில் நடந்தாலும் சரியான வருமானம் கிடைக்கவில்லை என்று  வருந்துபவர்களுக்கும், கிடைத்த வருமானம் எதிர்கால சேமிப்பிற்கு  போதவில்லை என்று நினைப்பவர்களுக்கும் இந்த தை மாதம் ஒன்றாம் தேதிக்குப் பிறகு மாற்றம் ஏற்படும்.அதிலும் குறிப்பாக 40 வயது கடந்தவர்கள், நீங்கள் எதிர்பார்த்துக் கொண்டிருக்கும் முதலீடு, தொழில் வளர்ச்சிக்கான தேவைகள் அனைத்தும் நிவர்த்தி ஆவதற்கான அமைப்பு காணப்படுகிறது. சிறு தொழில் செய்பவர்களாக இருந்தாலும், நீங்கள் செய்யும் தொழிலில் , கடந்த கால தொழில் முன்னேற்றத்தை விட சற்று கூடுதல் முன்னேற்றத்தை காண்பீர்கள். 

உங்கள் ராசியின் 11 ஆம் இடத்தில் ராகு இருப்பதால், குடும்பத்துடன் சுமூகமான உறவு ஏற்படும். அக்கா தம்பி, அண்ணன் தங்கை போன்ற கூடப்பிறந்த உடன்பிறப்புகளுடன் ஏதேனும் கருத்து வேறுபாடு காரணமாக பேசாமல் தனித்திருந்தால், தை மாதத்திற்கு பிறகு சுமூகமாக இருப்பதற்கான சூழ்நிலை நிச்சயம் உள்ளது. புதிய நட்பு வட்டாரங்கள் கூடும். முன் பின் தெரியாத,  உங்களின் மதத்தை சாராத பிற மதத்தினருடன் புதிய நட்பு உருவாகும். இந்த புதிய நட்பின் மூலம் பலரின் அறிமுகங்கள் கிடைக்கும். அவர்கள் மூலம் உங்கள் தொழில் முன்னேறும். வருமானங்கள் கூடும். உங்கள் ராசியில் குரு பகவான்  ஐந்து, ஏழு மற்றும் ஒன்பதாம் இடங்களை பார்த்துக் கொண்டிருப்பதால்,பிள்ளைகளைப் பற்றி கவலை கொண்டிருப்பவர்களின் குழந்தைகள் உயர்நிலையை அடையலாம். உங்கள் ராசியில் சுக்கிரன் மற்றும் சனி பகவான் ஒரே இடத்தில் உள்ளதால் உங்களின் வருங்கால வாழ்க்கைத் துணையை காண்பதற்கான வாய்ப்புகள் உள்ளது.  இளம் வயது உடைய ரிஷப ராசிக்காரர்களுக்கு காதல்   வயப்படுவதற்கான சாத்தியம் அதிகம் உள்ளது.உங்கள் நட்பு காதலாக முன்னேறுவதற்கான சாத்திய கூறு உள்ளது. மற்றபடி ரிஷப ராசிக்காரர்கள் பெரிதும் கவலை கொள்ளும் விதமாக  இந்த ஜனவரி மாதம் அமையாது. 2025-இன் ஜனவரி மாதம் ரிஷப  ராசிக்காரர்களான உங்களுக்கு  யோகம் தரக்கூடிய ஒரு அற்புதமான மாதமாக அமைந்துள்ளது.

மிதுனம்

மிதுன ராசிக்காரர்களே! உங்கள் ராசிநாதனான புதன், எட்டாம் இடத்தில் மறைந்துள்ளார்.இருப்பினும் புதனின் மீது குருவின் பார்வை இருப்பதால் பல  யோகங்கள் இந்த மாதம் வந்து சேரும். 2025 ஜனவரி மாதத்தில் நீங்கள் எதிர்பாராத பல நன்மைகளை அடைவீர்கள். பல திருப்பங்களை நீங்கள் சந்திக்கப் போகிறீர்கள். கடந்த காலங்களில் நீங்கள் சந்தித்த கஷ்டங்களை இனி சந்திக்க போவதில்லை. பல அதிர்ஷ்டங்கள் உங்களை நோக்கி வந்து கொண்டே இருக்கிறது. கடந்த வருடங்களில் நீங்கள் இழந்த பணம் அதிர்ஷ்டவசமாக 2025 ஆம் ஆண்டு ஜனவரி மாதம் உங்களுக்கு மீண்டும் கிடைக்கப் போகிறது. உங்கள் நண்பர்கள் அல்லது யாரேனும் தெரிந்தவர்களுக்கு உதவியாக நீங்கள் கொடுத்த பணம், அல்லது ஏதேனும் முதலீடு செய்து, திரும்ப பெற இயலாத பணம்  போன்ற பணம் சம்பந்தப்பட்ட பிரச்சனைகள், நீண்ட நாட்களாக  இழுபறியாகவே இருந்து கொண்டு வந்திருந்தால் அவை, ஜனவரி மாத இறுதியில் உங்களை வந்து சேரும்.தொழிலில்  நஷ்டமானவர்கள், பணத்தால் மன நிம்மதியை இழந்தவர்கள்,ஒன்றவர்களுக்கு அதிர்ஷ்டம் கைகொடுக்கும் மாதமாக ஜனவரி மாதம் அமைந்துள்ளது. மிதுன ராசிக்காரர்களின் வயதுக்கு ஏற்றார் போல பல நன்மைகள் இந்த புத்தாண்டின் தொடக்கத்தில் உள்ளது.எவ்வளவோ உடல் உழைப்பை பயன்படுத்தி தொழில் நடத்தி வந்திருந்தாலும், அவற்றில் எந்த ஒரு லாபமும் வெற்றியும் காணாமல் இருந்திருந்தால், ஜனவரி மாத இறுதியில் அவற்றிற்கான வெற்றியும், லாபமும் வந்து சேரும். பண செலவு  சுப செலவாக அமைவதற்கான சாத்தியம் அதிகம் காணப்படுகிறது. இந்த தை மாதத்தில் வீடு வாங்குவது, மனை வாங்குவது, பல நாட்கள் விற்காத வீடு மனை கடை போன்றவை நீங்கள் நினைத்த  விலையை விட அதிக விலைக்கு விற்பனையாக்குதல் போன்ற எதிர்பாராத தருணங்கள்  கைகூடும்.வண்டி வாகனம் வாங்குதல் போன்ற  சுப செலவுகள்  ஏற்படும். மொத்தத்தில் 2025 ஆம் ஆண்டு ஜனவரி மாதம் சிறந்த, அற்புதமான, அதிர்ஷ்டமான ஒரு மாதமாக மிதுன ராசிக்காரர்களுக்கு அமைந்துள்ளது.

கடகம்

கடக ராசிக்காரர்களே!  உங்கள் ராசியில் இருந்து அஷ்டமத்து சனி விலகுவதால், பல திருப்பங்களை இந்த  ஜனவரி மாதம் உங்களுக்கு கொடுக்கப் போகிறது. கடக ராசி காரர்களான உங்களுக்கு பல யோகங்கள் வந்து சேர போகிறது. அஷ்டமத்து சனியில் நீங்கள் சந்தித்த பல பிரச்சனைகளுக்கு இந்த புத்தாண்டின் முதல் மாதத்தில் 30 சதவீதம் தீர்வு கிடைக்கும். மார்ச் மாதத்தில் நடக்கவிருக்கக்கூடிய சனிப்பெயர்ச்சியில் உங்கள் ராசியில் இருந்து அஷ்டமத்து சனி முழுமையாக விலகப்போகிறது. கடக ராசியில் இருக்கும் மூன்று நட்சத்திரக்காரர்களுக்கும் அருமையான யோகங்கள் அடிக்கப் போகிறது. அதிலும் குறிப்பாக  ஆயில்ய நட்சத்திரம்  கொண்ட கடக ராசிக்காரர்களுக்கு போதும் போதும் என்று சொல்லும் அளவிற்கு நன்மைகள் கொட்டி தீர்க்க போகிறது.

 உங்கள் ராசிக்கு ஆறாம் இடத்தில் சூரிய பகவான் இருப்பதால் பல நன்மைகளை தரப்போகிறார். அதனால் அஷ்டமத்து சனி முடிவுக்கு வரும் முன்பே உங்களுக்கு கொஞ்சம் கொஞ்சமாக நன்மைகள் வந்து சேருவதை நீங்கள் காணலாம். உங்கள் உழைப்பை முழுமையாக செலுத்துவதன் மூலம் பணரீதியாக நீங்கள் பட்ட பல கஷ்டங்களுக்கு விடிவு காலம் பிறக்கப் போகிறது. கடன் பிரச்சனையில் மூழ்கி இருப்பவர்கள், முழு கடனையும் இந்த ஒரே வருடத்தில் அடைப்பதற்கான சாத்திய கூறுகள் காணப்படுகிறது. வாங்கும் வருமானம் எல்லாம் வட்டி கட்டுவதற்கு சரியாக உள்ளது என்பவர்களுக்கும், வட்டிக்கு மேல் வட்டி வாங்கி வாழ்நாளை நடத்திக் கொண்டிருந்தவர்களுக்கும் இந்த ஜனவரி மாதம் இறுதியில் இருந்து பண பிரச்சனைகள் நீங்க போகிறது. 2025 ஜனவரி மாதம்  பல யோகங்கள், உங்களை வந்து சேர போகிறது. பெண்களுக்கு சாதகமான சூழ்நிலை ஏற்படும். கணவன் மற்றும் குழந்தைகள் பற்றி வருத்தம் கொண்டிருந்தவர்களுக்கு நிம்மதியான சூழ்நிலை உருவாகும். சரியான வேலை அமையவில்லை என்று நினைத்து வருத்தப்பட்டு கொண்டிருந்தவர்களுக்கும், சண்டை சச்சரவு காரணமாக பிரிந்து இருந்த கணவன்  மனைவிகளும் ஒன்று சேர்ந்து  வாழ்வதற்கான சாத்தியக்கூறு அதிக அளவு காணப்படுகிறது. வேலை கிடைக்காமல் இருந்தவர்கள், வேலையில் இருந்து தற்காலிகமாக நிறுத்தி வைக்கப்பட்டவர்கள், போன்றவர்களுக்கு நல்ல வருமானத்துடன் கூடிய வேலை வாய்ப்பு கிடைக்கும்.  பல கஷ்டங்களை பல ஆண்டுகளாக  சந்தித்து, நிம்மதியான தூக்கத்தை இழந்து, வாழ்க்கையை வெறுத்துப் போய் வாழ்ந்து கொண்டிருந்தவர்களுக்கு  இது போன்ற அனைத்து பிரச்சனைகளிலிருந்தும் விடிவுக் காலம் பிறந்து, நிம்மதியான தூக்கம் தூங்குவதற்கான நாள், இந்த புத்தாண்டு ஜனவரி மாதத்தில் இருந்து பிறக்கப் போகிறது. 2025 ஆம் ஆண்டு ஜனவரி மாதம், மகிழ்ச்சிகள் நிறைந்து, பல வெற்றிகளை குவிப்பதற்கான மாதமாக கடக ராசிக்காரர்களுக்கு அமைந்துள்ளது,

சிம்மம் 

சிம்ம  ராசிக்காரர்களே! நல்ல விஷயங்கள் அமையும் மாதமாக இந்த ஜனவரி மாதம் அமைந்துள்ளது.  இந்த ஜனவரி மாதத்தில் பல யோகங்கள் உங்களை வந்து சேரும். சிம்ம ராசிக்காரர்கள் அஷ்டமத்து சனி வருவதால் அச்சம் கொள்ள தேவையில்லை. ஏனென்றால், உங்கள் ராசியில் எட்டாம் இடத்தில் இருக்கும் சனி பகவான், மாறிய   ஒன்று அல்லது இரண்டு மாதத்திற்குள் ராகு பகவான் ஏழாம் இடத்திற்கு வந்து, கொச்சார ரீதியான வேலைகளை உங்கள் ராசிக்கு கொடுப்பதால் இரண்டரை வருடங்கள் உங்கள் ராசிக்கு நடக்கக்கூடிய அஷ்டமத்து சனி, ஒன்றரை வருடமாக குறைகிறது. ஏழாம் இடத்தில் இருக்கும் கிரகம் எட்டாமிடத்தில் இருக்கக்கூடிய கிரகத்திற்கு  வேலையை கொடுக்கும். அதனால் சிம்ம ராசிக்காரர்கள் உங்களுக்கு பெரிதளவில் அஷ்டமத்து சனியால் எந்த ஒரு பாதிப்பும் ஏற்படாது.  மே மாதத்திற்கு பிறகு உங்கள் ராசியில் குரு பகவான் பதினோராம் இடத்திற்கு வருவதால் கை நிறைய பணம் வருவதற்கான யோகம் அதிக அளவில் உள்ளது. நீங்கள் செய்யும் தொழில் அல்லது வியாபாரத்தில் நீங்கள் போடும் உழைப்பை பொறுத்து உங்களுக்கு அதிக அளவில் பணம் வரும். குரு பகவான் உங்கள் ராசியின் 11ஆம் இடத்திற்கு வரும்பொழுது வரக்கூடிய அதிர்ஷ்ட லட்சுமி, அதற்கான அறிகுறிகளே இந்த ஜனவரி மாதம் முதலே உங்களுக்கு தெரிய வரும். தொழிலில் முன்னேற்றம் போன்றவை ஜனவரி மாதத்தில் வருவதால் குரு பெயர்ச்சிக்குப் பிறகு உங்கள் கையில் பணம் நிறைந்தே இருக்கும். தாய் தந்தை ஆரோக்கியத்தில் அதிக அளவு முன்னேற்றம் இருக்கும். தந்தையின் உடல் நலத்தை பற்றி கவலை கொண்டிருந்தவர்களுக்கு அதிலிருந்து விடுபடக்கூடிய அளவிற்கு உடல்நிலை முன்னேறி வருவதை நீங்கள் காண்பீர்கள். சுபச் செலவுகள் வரக்கூடிய வாய்ப்பு அதிகம் உள்ளது. தொழிலில் முன்னேறுவதற்கு நீங்கள் செய்த செலவுகள், இனி செலவாக இல்லாமல் கையில் பணம் தங்கக்கூடிய நிலைமை வந்து கொண்டே இருக்கிறது. சமூக வலைத்தளம் மூலம் சாதனைகள் படைத்த  பிரபலமாவதற்கான வாய்ப்புகள் அதிகம் உள்ளது. 

கணவர் குழந்தை என குடும்பத்தை நினைத்து  தினமும் கவலை கொண்டிருந்தவர்களுக்கு நிம்மதிப் பெருமூச்சு விடும் அளவிற்கு குடும்பம் நல்ல நிலைக்கு மாறும். வேலை சம்மந்தமாக வெளிநாட்டிற்கு செல்ல வேண்டும் அல்லது வேறு ஏதேனும் காரணத்திற்காக வெளிநாட்டுக்கு செல்ல வேண்டும் என்று நினைத்துக் கொண்டிருந்தவர்களுக்கு ஏப்ரல் மாதத்திற்கு முன்பே அதற்கான ஏற்பாடுகள் நல்ல விதமாக முடியும். ஏப்ரல் மாதத்திற்கு பிறகு வெளிநாட்டிற்கு அல்லது வெள்ளி மாநிலத்திற்கு செல்வதற்கான வாய்ப்புகள் கைகூடும். நீங்கள் செய்யும் வேலையை நீங்களே முழு அர்ப்பணிப்போடு செய்ய வேண்டும். மற்றவர்களை நம்பி உங்கள் வேலையை அவர்களிடம் ஒப்படைக்க வேண்டாம். தொழிலில் மட்டும் அதிக கவனமாக இருக்க வேண்டாம். மற்றபடி பெரிதளவில் எந்த ஒரு பாதிப்பும் ஏற்படாது. பணவரவு நன்றாக இருக்கும். அதிக அளவு லாபம் .தொழில் மூலமாக வந்து சேரும். 2025 ஜனவரி மாதம் சிம்ம ராசி காரர்களுக்கு ஒரு அற்புதமான மற்றும் மாற்றம் தர கூடிய மாதமாக அமைந்துள்ளது.

கன்னி

கன்னி ராசிக்காரர்களே! அனைத்து விதமான கஷ்டங்களும் சுக்கு நூறாக உடைந்து போகக் கூடிய அற்புதமான மாதம் இந்த ஜனவரி மாதம். உங்கள் ராசியில் ஆறாம் இடத்தில் சனி பகவான் உள்ளார். ஒன்பதாம் இடத்தில் குரு உள்ளார். மற்றும் பதினோராம் இடத்தில் செவ்வாய் உள்ளார். உங்கள் வாழ்வில் நீங்கள் கொண்டுள்ள எதிரிகள் பலவீனம் அடைந்து விடுவார்கள். எதிரிகளின் பலவீனம் உங்களுக்கு பலமாக அமையும். உங்களை வீழ்த்துவதற்கு உங்கள் எதிரிகள் எடுக்கும் முயற்சிகள் உங்களின் வெற்றிக்கு சாதகமாக அமையும். நீங்கள் பணத்தை தேடி செல்லாமல் இருந்தாலும், பணம் உங்களைத் தேடி வரும். அந்த அளவிற்கு பல நன்மைகளையும் அதிர்ஷ்டங்களையும் உங்கள் ராசிக்கு இந்த மாதம் கொடுக்க உள்ளது. உங்கள் ராசியின் 11ஆம் இடத்தில் செவ்வாய் நீச்சம் அடைந்துள்ளதால், பல நன்மைகள் வந்து சேரும். இந்த ஜனவரி மாதம் மட்டுமல்ல ஜூன் மாதம் வரை  நல்ல அமைப்பு காணப்படுகிறது. உங்கள் ராசியில் ஆறாம் இடத்திற்கு சனிபகவான் வரப்போகிறார் மேலும் குரு பகவான் உங்கள் ராசியை பார்க்கப் போகிறார். அதனால் பெரிய அளவில் சோதனை எதுவும் இருக்காது. நீங்கள் உங்களின்  வெற்றிக்காக செய்யும் எந்த ஒரு முயற்சியும் வீண் போகாது. உங்களின் ஒவ்வொரு வெற்றிக்கும் கிரகத்தின் உதவிகள் நிச்சயம் அதிக அளவில் கிடைக்கும்.  இத்தனை காலமாக  நீங்கள்  எதிர்பார்த்து தடை பட்டு கொண்டிருந்த சுபகாரியம் விரைவில் நடப்பதற்கான ஏற்பாடுகள் நிகழக் கூடும்.வீடு வாங்குதல், மனை வாங்குதல், புதிய வண்டி வாகனம் வாங்குதல் போன்ற சுபச் செலவுகள் ஏற்படுவதற்கான வாய்ப்புகள் உண்டு. தங்கள் சொந்த ஊர்களை விட்டுச் சென்று, வெளிநாடுகள் அல்லது வெளிமாநிலங்களில் அல்லது வெளி ஊர்களில் வேலை பார்த்துக் கொண்டிருப்பவர்கள், தங்கள் சொந்த  ஊருக்கே திரும்பி வருவதற்கான வாய்ப்புகள் காணப்படுகிறது. பல நாட்களாக சொந்த ஊரில் சொந்தமாக வீடு கட்ட வேண்டும் என்று நினைத்துக் கொண்டிருப்பவர்களுக்கு இந்த ஜனவரி மாதம் முதல், அதற்கான முதற்கட்ட வேலைகள்  தொடங்குவதற்கு அமைப்புகள் காணப்படுகிறது. பிரிந்திருந்த குடும்பம் ,பிரிந்து வாழ்ந்து வந்த கணவன் மனைவிகள்,அல்லது வேலை காரணமாக  வேறு வேறு ஊர்களில், அல்லது வெவ்வேறு மாநிலங்களில்  வேலை பார்த்து வந்த கணவன் மனைவிகள் ஒன்று சேர்ந்து மகிழ்ச்சியாக வாழ்வதற்கான சூழ்நிலை உருவாகக்கூடும். இந்தாண்டின் முதல் மாதமான ஜனவரி மாதம்,  நிம்மதியை தரக்கூடிய,லாபம் தரக்கூடிய ஒரு மாதமாக கன்னி ராசிக்காரர்களுக்கு அமைந்துள்ளது.

துலாம்

துலாம் ராசிக்காரர்களே! 2025ஆம் ஆண்டில்,பனிரெண்டு  ராசிக்காரர்களுள் அதிக அளவு அதிர்ஷ்டமும் நன்மையும் அடையக்கூடிய ராசிக்காரர்கள் துலாம் ராசிக்காரர்கள் தான்.ஏப்ரல் மாதத்திற்கு பிறகு அனைத்து கிரகங்களும் உங்கள் ராசிக்கு சாதகமாகவே அமைய உள்ளது.  ஜனவரி மாதம் முதலில் அதற்கான அறிகுறிகள் உங்களுக்கு தெரிய வரும். சனி பகவான், குரு பகவான் ராகு பகவான் ஆகிய மூவருமே உங்கள் ராசிக்கு சாதகமான  நிலைக்கு வர உள்ளார்கள். சனிபகவான் உங்கள் ராசிநாதருடன் சேர்ந்து இருக்கிறார். உங்கள் ராசியின் ஐந்தாம் அதிபதியும் ஒன்றாம் அதிபதியும் சேர்ந்து உங்களை அதிர்ஷ்ட பாதைக்கு அழைத்துச் செல்ல உள்ளது. சிறப்பான சிந்தனை உடைய துலாம் ராசிக்காரர்களே! உங்கள் லட்சியத்தை மட்டும் தேடி போடக்கூடிய ஒரு மாதமாக ஜனவரி மாதம் அமைந்துள்ளது. 

கிரகங்கள் உங்களுக்கு சாதகமாக உள்ளதால், தவறான எந்த ஒரு சிந்தனைக்கும் மனதை செலுத்தாமல், தவறான முடிவுகள் எதுவும் எடுக்காமல்,  சரியான பாதை அதாவது வெற்றிப்பாதைக்கு  செல்வதற்கு வழிவகுக்கும். புதிய நட்புகள் கை கொடுக்கும், எதிர்பாராத உறவுகள் உங்களைத் தேடி வரும், தொழிலில் நல்ல  வருமானம் கிடைக்கும் லாபமும் பெரிதளவில் இருக்கும். வேலையில்லாத துலாம் ராசிக்காரர்களுக்கு வேலை உங்களை தேடியே வரும். பிரிந்த குடும்பங்கள் அல்லது உறவினர்கள் ஒன்று சேர்வதற்கான வாய்ப்புகள் அதிகம் உள்ளது. விவசாயிகள், சுயதொழில் செய்பவர்கள், போன்ற எந்த தொழில் செய்பவர்களாக இருந்தாலும் அவர்களுக்கு கிரகங்களின்  அணுக்கூலம் உள்ளதால் மாற்றமும் வெற்றியும் வந்தே தீரும். பிரிந்த கணவன் மனைவிகள் ஒன்று சேர்வதற்கு வாய்ப்புகள் அமையும்.  திருமணமாகாதவர்கள் தங்களின் வருங்கால துணையை காண்பதற்கு இந்த ஜனவரி மாதம் அற்புதமான மாதமாக அமைந்துள்ளது.  காதல் வயப்பட்டு இருக்கும் துலாம் ராசிக்காரர்கள், காதலில் ஏதேனும் பிரச்சனை ஏற்பட்டு இருந்தாலும், அல்லது உங்கள்  காதலை உங்கள் பெற்றோர்கள் ஏற்காமல் இருந்திருந்தாலோ , இந்த ஜனவரி மாதம் முதல் உங்கள் காதலைப் பற்றி யோசிக்க ஆரம்பிப்பார்கள். ஜனவரி மாதத்திற்கு பிறகு உங்கள் பெற்றோர்களின்  சம்மதத்துடன் உங்கள் காதல் துணையை கரம் பிடிக்கக்கூடிய சுப நிகழ்வு நிச்சயம் ஏற்படும். சில துலாம் ராசிகாரர்களுக்கு புதிதாக காதல் வருவதற்கான வாய்ப்புகள் அதிகம் உண்டு. பல நாள்  கடன்களை முழுமையாக  அடைக்க கூடிய அளவிற்கு பணவரவு அதிக அளவில் இருக்கும். தொழிலில் முன்னேற்றம் இருக்கும். தொழிலில் லாபம் பல மடங்கு அதிகரிக்கும். உயர்பதவி, வேலை பார்க்கும் இடத்தில் பாராட்டுக்கள் போன்றவை குவியும். மொத்தத்தில் 2025 ஆம் ஆண்டு கவலையின்றி நிம்மதியாக வாழ்வதற்கான ஒரு சிறந்த ஆண்டாக இந்த ஆண்டு அமைந்துள்ளது  உங்கள் வெற்றிக்கு அடித்தளம் போடக்கூடிய ஒரு மாதமாக இந்த ஆண்டின் ஜனவரி மாதம் துவங்கியுள்ளது.

விருச்சிகம்

விருச்சிக ராசிகாரர்களே! உங்கள்  ராசிநாதன் இந்த மாதம் முழுவதும் நீச்சம் அடைந்து உள்ளார்.  மேலும் மாதத்தின் கடைசி வாரத்தில் எட்டாம்  இடத்திற்கு போக உள்ளார். இருப்பினும் உங்கள் ராசி குருபகவான் பார்த்துக் கொண்டிருப்பார். அது உங்களுக்கு பல நன்மைகளை தந்தே தீரும். நான்காம் இடத்தில் சுக்கிரனும் சனி பகவானும் சேர்ந்து இருப்பது பல யோகங்களை உங்களுக்கு அள்ளித் தரும். விருச்சக ராசியில் இருக்கும் இளைஞர்களுக்கு இந்த மாதம் எதிர்பாராத அலைச்சல்கள் இருக்கக்கூடும். ஆனால் அந்த அலைச்சல் மூலம் உங்களுக்கு பல வகையான லாபங்கள் வந்து சேரும். பல முயற்சிகள் எடுத்தும் முடியாத சில வேலைகள், ஒன்று இரண்டு முயற்சிகளிலேயே இம்மாதத்தில் உங்களுக்கு வெற்றியைத் தரும். உங்கள் ராசிநாதன் நீச்சம் அடைந்ததால் வேலை மற்றும் தொழிலில் மாற்றங்கள் ஏற்படும். 

மாற்றங்கள் மூலம் மனதில் நிறைவு ஏற்படும்.பல கஷ்ட நிலைகளை தாண்டி வந்த விருச்சிக ராசிக்காரர்கள் ஆன நீங்கள், இனி இதெல்லாம் ஒரு கஷ்டமா என்று நினைக்கக் கூடிய அளவிற்கு உங்கள் மனம் தெளிவாகிவிடும். உங்களுக்கு ஏற்படும் தொழில் மாற்றம் அல்லது வேலை இடமாற்றம் போன்றவை முன்னிருந்ததை விட, பல மடங்கு நன்மை தரக்கூடிய மாற்றமாகவே இருக்கும்.  இந்த மாதத்திலேயே உங்களுக்கு வேலை இழப்பு ஏற்படக்கூடும். அதே சமயம்  நீங்கள் பார்த்துக் கொண்டிருந்த வேலையை விட வருமானம் அதிகம் தரக்கூடிய வேலை உங்களுக்கு அதே  மாதத்திலேயே அமையக்கூடும். உங்கள் ராசிக்கு எட்டாம் இடத்தில் ராசிநாதன் செல்வதால் எதிர்பாராத பண வரவுகள் எதிர்பாராத உறவுகளிடம் இருந்தும் அல்லது நண்பர்களிடமிருந்து வரக்கூடும்.விருச்சிக ராசி பெண்களைப் பொறுத்தவரை, பிரிந்து இருந்த கணவன் உங்களை தேடி வருவார். வரன் தேடிக் கொண்டிருக்கும் விருச்சிக ராசி பெண்களுக்கு நல்ல இடத்தில் வரன் கைகூடும். புதிதாக காதல் வயப்படுவதற்கான வாய்ப்புகள் அதிகம் உள்ளது. பெற்றோர்களின் உடல் நிலையை நினைத்து வருத்தம் கொண்டிருந்த விருச்சிக ராசிக்காரர்களுக்கு நிம்மதி பெருமூச்சு ஒரு மனதிற்கு பெற்றோர்களின் ஆரோக்கியத்தில் முன்னேற்றம் இருக்கும். கணவன் மற்றும் குழந்தைகளை நினைத்து தேவையில்லாத வருத்தங்களை மனதில் சுமந்து கொண்டிருந்த விருச்சக ராசி பெண்களுக்கு, தெளிவு பிறக்கும். பிள்ளைகள் சரியாக படிக்கவில்லை, உங்களின் சொல் பேச்சை உங்கள் பிள்ளைகள் கேட்கவில்லை என்று வருந்து கொண்டிருக்கும் விருச்சிக ராசி பெற்றோர்களுக்கு,  பிள்ளைகளின் படிப்பிலும் நடவடிக்கைகளிலும் நல்லதொரு மாற்றம் ஏற்படுவதை இந்த மாத இரண்டாம் வாரத்தில் இருந்து காணலாம்.. புதிதாக நட்பு வட்டாரங்கள் உருவாகும். புதிய அறிமுகங்கள் கிடைக்கும். 2025 ஆம் ஆண்டு பெரிய அளவு எந்த ஒரு பாதிப்பும் இல்லாமல் தற்போது உங்களுக்கு நடந்து கொண்டிருக்கும் நன்மைகள் மேலும் நீடித்துக் கொண்டே இருக்கும்.

தனுசு

தனுசு ராசிக்காரர்களே! இந்த ஜனவரி மாதம் நன்மைகள் நடைபெறக்கூடிய ஒரு அற்புதமான மாதமாக உங்களுக்கு அமைந்துள்ளது. இன்னும் இரண்டு மூன்று  மாதங்களுக்குப் பிறகு வரக்கூடிய குரு பெயர்ச்சியில், உங்கள் ராசிநாதனான குரு உங்கள் ராசிக்கு ஏழாம் இடத்தில் வரப்போகிறார். மேலும் வரக்கூடிய சனிப்பெயர்ச்சி உங்களுக்கு கவலை கொள்ளும்படி எந்த ஒரு பாதிப்பையும் ஏற்படுத்தாது. அதனால் வேலைகளில் நல்லவிதமான மாற்றங்கள் ஏற்படும். வேலை இல்லாத தனுசு ராசிக்காரர்களுக்கு நல்ல இடத்தில் வேலை அமையும். பல நாட்களாக மனதாலும் உடலாலும் பல கஷ்டங்களையும் நோய்களையும் அனுபவித்து கொண்டிருந்த உங்களுக்கு விடுதலை அடையக்கூடிய ஒரு மாதமாக இந்த ஜனவரி மாதம் அமைய உள்ளது.

வெற்றிக்காக எவ்வளவு உழைப்பை செலவழித்து இருந்தாலும் அதற்கான பலன் என்று எதுவும் இதுவரை கண்டதில்லை என்று புலம்பும் தனுசு ராசிக்காரர்களுக்கு,நல்லதொரு தீர்வு  அமையும் மாதமாக இந்த மாதம் உள்ளது. எல்லா விதத்திலும் நன்மைகள் கிடைக்கக்கூடிய மாதம் இந்த ஜனவரி மாதம். உங்கள் ராசிக்கு இரண்டாம் இடத்தில் புதன் இருப்பதால், தன லாபம் பணவரவு நன்றாக இருக்கும். எதிர்பாராத இடத்திலிருந்து பணவரவு இருக்கும். பேச்சாளர்கள், ஆசிரியர்கள், வழக்கறிஞர்கள், போன்ற பணியில் இருப்பவர்களுக்கு சம்பள உயர்வு, பதவி உயர்வு மற்றும் பாராட்டுக்கள் வந்து குவிய கூடிய மாதமாக இந்த ஜனவரி மாதம் காணப்படுகிறது. 

இந்த ஜனவரி மாதம் 15 ஆம் தேதிக்கு பிறகு, நீங்கள் வாங்கிய கடன் முழுமையாக அடைப்பதற்கு தேவையான பணவரவு உங்களை வந்து சேரும். கொடுத்த வாக்கை காப்பாற்றுவீர்கள். கணினி, கணிதம், கணக்கு வழக்கு போன்ற துறைகளில் வேலை பார்த்து வருபவர்களுக்கு அதிக அளவு லாபம் தரக்கூடிய பணவரவு கிடைக்கும். சேமிப்பு  முன்பை விட அதிக அளவு  இருப்பதை காணலாம். சமூக வலைத்தளங்கள் ஆன பேஸ்புக், இன்ஸ்டாகிராம், போன்றவற்றில் மார்க்கெட்டிங் வேலை செய்பவர்கள், அல்லது அதன் மூலம் பிரபலமடைய வேண்டும் என்று விரும்பி அதற்கான வேலையை செய்பவர்களுக்கு நல்ல ஒரு ஆதாயம் கிடைக்கும்.உங்கள் வெற்றிக்காக நீங்கள் எடுக்கும் ஒவ்வொரு முயற்சியும் மே மாதத்திற்கு பிறகு உங்களுக்கு நிச்சயம் கை கொடுக்கும். 50 வயதுக்கு மேற்பட்டவர்களுக்கு உடல் ரீதியாக ஏதேனும் சிறு பாதிப்புகள் ஏற்படலாம். பெரிய அளவில் பாதிப்புகள் இருக்காது. உடல் ரீதியாக ஏதேனும் நோய் வந்து விடுமோ என்ற பயத்தின் காலமாக மனதில் தான் சிறிதளவு பயம் தோன்றும். அதுவே உங்கள்  வியாதிக்கு முதல் கட்டமாக அமையும். இந்த பயமும் குழப்பமும் இம்மாதத்தின் இறுதியில் முழுமையாக சரியாகிவிடும். 2025 ஆம் ஆண்டு பெருமளவு எந்த ஒரு சோதனையும் மனரீதியாகவும் அல்லது உடல் ரீதியாகவும் எந்த ஒரு கஷ்டமும் கவலையும் இல்லாமல், இருக்கின்ற வாழ்வு சற்று கூடுதல் நன்மைகளுடன் நகர்வதை காணலாம். 

மகரம்

மகர ராசிக்காரர்களே! 2025 இல் மார்ச் மாதம் 29ஆம் தேதி உங்களுக்கு வேலை சனி நிறைவடையுள்ளது. உங்களின் வாழ்க்கை பிரகாசமாக மாறுவதற்கான அடித்தளம் இந்த ஜனவரி மாதத்தில் இருந்து போடப்பட உள்ளது. ஏழரைச்  சனி நிறைவடைய போகிறது என்பதற்கான அறிகுறிகள்  இம்மாதத்தில் இருந்தே உங்களுக்கு கொஞ்சம் கொஞ்சமாக தெரியும். எதிர்பாராத உறவினர்களிடமிருந்து எதிர்பாராத வகையிலும் பணவரவு  கிடைக்கும்.  வேலைக்குச் செல்லாதவர்களுக்கு கூட எதிர்பாராத பணவரவு திடீரென்று உங்களைத் தேடி வரும். எப்போதும் நீங்கள் கொடுத்த வட்டி இல்லா பணம் அல்லது  வட்டி உடைய பணம் அல்லது எந்த ஒரு எதிர்பார்ப்பும் இன்றி உதவுவதற்காக நீங்கள் ஒருவருக்கு கொடுத்த பணம், இத்தனை நாட்கள்  இழுப்பறியாகவே  இருந்து வந்திருந்த நிலையில், தற்போது அனைத்து பண பிரச்சினைகளும் நீங்கும். வேலை கிடைக்காத மகர ராசிக்காரர்கள் வேலை தேடி  அலைந்தும், இத்தனை நாட்கள் வேலை இல்லை என்று  வருந்துபவர்களுக்கெல்லாம் நல்ல வருமானத்துடன் கூடிய நல்ல வேலை அமைவதற்கான ஒரு புதிய பாதை பிறக்கப் போகிறது.

தாய் தந்தையினருடைய சொத்துக்களை அனுபவிக்க முடியாமல் இருப்பவர்கள், சொத்துக்களில் குழப்பம் உடையவர்கள், சொத்துக்களில் பிரச்சனை உள்ளவர்கள், சொந்த ஊரில் சொந்த இடத்தில் வீடு கட்ட முடியாமல்  தடைகள் ஏற்பட்டு கொண்டே இருக்கிறது என்பவர்கள், போன்றவர்களுக்கு மார்ச் மாதத்திற்கு பிறகு முழுமையாக அனைத்து பிரச்சினையும் விலகும். ஆனால் அந்தப் பிரச்சனை விலகுவதற்கான ஒரு அடித்தளம் இந்த ஜனவரி மாதத்திலேயே உங்களுக்கு அமையும்.  எளிய முறையில் வெற்றியை பெறக்கூடிய சாதாரண விஷயத்தை நீங்கள் கையில் எடுத்தால் கூட அதற்குள்   ஆயிரத்து எட்டு சிக்கல்கள் வந்திருப்பதை கடந்த ஐந்து வருடங்களாக நீங்கள் சந்தித்திருப்பீர்கள். இவை அனைத்தும் இன்னும் இரண்டரை மாதத்திற்கு பிறகு நல்லபடியாக அமையும். வேலை இல்லாதவர்களுக்கு வேலை வாய்ப்பு கிடைக்கும். அதிக அளவு பணவரவு இருக்கும். லாபம் தரக்கூடிய தொழில் செய்வதற்கான பாதையில் பிறக்கும், சொந்த காலில் நிற்பதற்கான நேரம் வந்துவிட்டது.  ஏழரை சனி முடிவடைய இருப்பதால் தைரியம் தன்னம்பிக்கை நீங்கள் நினைக்காத அளவிற்கு பலம் போன்றவை உங்களுக்கு வந்து சேரும்.மாணவ மாணவியர்களின் கல்வியில் முன்னேற்றம் ஏற்படும், இளம் வயதினருக்கு காதல் வெற்றி பெறும்,30 அல்லது 35 வயது கடந்தவர்களுக்கு வீடு வண்டி வாகனம் வாங்குவதற்கான வசதிகள் கிடைக்கும். திருமணமாகி பல நாட்கள் குழந்தை பாக்கியம் இல்லை என்று கவலையோடு இருப்பவர்களுக்கு உங்கள் கண்ணீரை துடைப்பதற்காகவே  குழந்தை பிறக்கும்.வீட்டில் யாருக்கேனும் உபகாரியம் நடக்கவில்லை என்பவர்களது வீட்டில் இன்னும் இரண்டரை மாதத்திற்குள் சுபகாரியம் நடக்கும். அதற்கான ஏற்பாடுகள் இந்த ஜனவரி மாதத்தில் தொடங்கலாம்.சிகரத்தில் ஏற இருக்கும் மகர ராசிக்காரர்களுக்கு  2025 ஜனவரி மாதம் அற்புதமான வெற்றியை அள்ளிக் கொடுக்கக் கூடிய ஒரு மாதமாக அமைந்துள்ளது.

கும்பம்

கும்ப ராசிக்காரர்களே! ஜனவரி மாதத்தில் இருந்து இரண்டு மாதத்திற்கு பிறகு உங்களுக்கு ஜென்ம சனி முடிவடைய போகிறது. சுக்கிரனும் சனியும்  உங்கள் ராசியில் சேர்ந்து  உள்ளார்கள். கடந்த இரு ஆண்டுகளாக பல கஷ்டங்களையும் துன்பங்களையும்,  அனுபவித்து வந்து ,தொழிலில் எந்த ஒரு முன்னேற்றமும் இல்லாமல்  இருந்து வந்த கும்ப ராசிக்காரர்கள் இப்பொழுது பல மாற்றங்களை காணலாம். யாரால் தொழில் நட்டம், பண இழப்பு, ஏமாற்றம், ஏன் இவ்வாறு நடந்தது, உங்கள் பிரச்சனைக்கு யார் காரணம் என பலவிதமான மனக்குழப்பங்களுக்கு தீர்வு காணும் விதமாக இந்த ஜனவரி மாதம் அமைந்துள்ளது. 

ஜனவரி முதல் இரண்டு வாரங்கள் சற்று சுமாராகவே தான் நகர ஆரம்பிக்கும். முன்பு இருந்தது போலவே குழப்பங்கள், பிரச்சனைகள் போன்றவை இருந்து கொண்டே இருக்கும். ஆனால் ஜனவரி கடைசி இரண்டு வாரங்களில் இவற்றில் ஒரு சிறு மாற்றத்தை நீங்கள் காணலாம். முழுமையாக இந்த ஒரே மாதத்தில் பிரச்சனைகள் விலகி விடாது. ஆனால் உங்கள் மனதிலும் குழப்பங்கள் குறைவதை நீங்கள் உணரலாம். இரண்டரை வருடங்களாக வேலையில் முன்னேற்றம் இல்லாமல், பதவி உயர்வு,  பணவரவு இல்லாமல், எந்த ஒரு விதத்திலும் லாபமும் இல்லாமல் இருந்து வந்த நிலையில் தற்பொழுது இது போன்ற நிலை மாறும் இன்னும் நம்பிக்கை உருவாக கூடும். புதிய வியாபாரம், புதிய தொழில் தொடங்குவதற்கான யோசனை,  வீடு கட்ட தொடங்கலாமா இன்னும் சிந்தனைகள், வியாபாரத்தை முன்னேற்றுவதற்கான மாற்று சிந்தனைகள் போன்றவை இந்த மாத இறுதியில் தோன்றுவதற்கான வாய்ப்பு அதிகம் உள்ளது. சுறுசுறுப்பாக இல்லாமல் எந்நேரம் மந்தமான நிலையில் காணப்படும் இளைஞர்களுக்கு நல்லவிதமாற்றம் ஏற்படும். உங்களால் வீட்டில் உள்ளவர்களுக்கு ஏற்பட்டு வந்த தகராறுகள்,  மனக்கசப்புகள் நீங்கும். ஜோதிடத்திலும் கடவுள் பக்தியிலும் நம்பிக்கை இல்லாத கும்ப ராசிக்காரர்களுக்கு இந்த இரண்டரை ஆண்டுகள் பட்ட கஷ்டத்தின் மூலம் ஜோதிடத்தில் மற்றும் கடவுளின் மீதும் நம்பிக்கை ஏற்பட்டிருக்கும். 

கடந்த இரண்டு ஆண்டுகளாக நீங்கள் பட்ட கஷ்டங்கள்,அவமானங்கள் , தொழில் பின்னடைவு போன்றவை மாறுவதற்கான சிறு மாற்றங்களை ஜனவரி இரண்டாம்  மாதத்தில் இருந்து படிப்படியாக வரலாம். பல நாட்களாக இருந்து வந்த பிரச்சனைகள் உடனடியாக முழுமையாக முடிந்து விடாது, அதற்கான தீர்வுகள் இந்த ஜனவரி மாதத்தில் உங்களுக்கு அமையும். பிறகு படிப்படியாக குறைய ஆரம்பிக்கும். இரண்டரை மாதங்களுக்குப் பிறகு முழுமையாக உங்கள் பிரச்சனை இருந்து விடுபட்டு விடுவீர்கள். பல நாட்களாக நோயிலிருந்து விடுபட முடியாமல் இருந்தவர்கள், கடன் தொல்லையில் இருந்தவர்களுக்கு, ஜனவரி மாதத்திற்கு பிறகு அவற்றை முடித்து வைப்பதற்கான தீர்வுகள் கைகூடும்.2025 ஆம் ஆண்டு ஜனவரி மாதம் முதல் இரண்டு வாரங்கள் பழைய துன்பங்கள் தொடர்ந்து வரும் நிலையில், இரண்டு வாரங்களுக்கு பிறகு நன்மையான மாற்றங்களை தரும்.

மீனம்

மீன ராசிக்காரர்களே! உங்கள் ராசியில் ஜென்மத்தில் ராகுபகவான் இருப்பது போல சனி பகவானும் இருக்கப் போகிறார். நல்ல உள்ளம் கொண்ட மீன ராசிக்காரர்கள், பிறரை துன்புறுத்தவோ பிறர் மனம் புண்படும்படியோ பேச மாட்டார்கள். பிறரை ஏமாற்றி விடக்கூடாது என்பதற்காக தன்னை தாழ்த்தி நடத்திக் கொள்வார்கள். கடந்த இரண்டரை ஆண்டுகளாகவே பெரிதும் சொல்லும்படி நன்மைகள் எதையும் பார்த்திருக்க மாட்டீர்கள். 2025 தில் வரக்கூடிய ராகு கேது பெயர்ச்சியில்,உங்கள் ராசிக்கு ஆறாம் இடத்தில் கேது பகவான் வருவது நன்மைகளை உண்டாக்கும். அதற்கு முன்பு வரக்கூடிய ஜனவரி மாதத்திலும் நீங்கள் பாதிக்கப்படக் கூடிய அளவிற்கு எந்த ஒரு பாதிப்பும் ஏற்படாது.

கணவன் மனைவி பிரச்சனைகள் முடிவுக்கு வரும். சுமூகமான சூழ்நிலை உருவாகும். பணம் சம்பாதிப்பதற்கான சூழ்நிலை அமையாத அவர்களுக்கு எதிர்பாராத இடத்திலிருந்து பணவரவு கிடைக்கும். உங்கள் தேவைகளை பூர்த்தி செய்து கொள்வதற்கான பணவரவு கிடைக்கும். 2025 ஆம் ஆண்டு நீங்கள் செய்யும் தொழில், அல்லது புதிதாக தொடங்கவிருக்கும் தொழில் வியாபாரம் போன்றவற்றுள் குழப்பங்கள் நீடிக்கும். பண வரவு சற்று  இழுப்பறியாகவே இருக்கும். வேலைகளில் மன அழுத்தம் ஏற்படும். பெரிதாக லாபம் வராது. உங்கள் ராசிக்கு ஜென்ம சனி நடக்கப் போவதால், ஆரம்பிக்கும் தொழில் வியாபாரம் போன்றவற்றை கவனமாக இருக்க வேண்டும். பண வரவு விஷயத்தில் சற்று எச்சரிக்கையாகவும் இருக்க வேண்டும். இளைஞர்களுக்கு எந்த வகையிலும் பிரச்சனைகள் ஏற்படுவதற்கான வாய்ப்புகள் உள்ளது. அதனால் இளைஞர்கள் எச்சரிக்கையாக இருக்க வேண்டும். யாரையும் நம்பி எதிலும் முதலீடு செய்ய வேண்டாம். மனக்கட்டுப்பாடு மிகவும் அவசியம்.புதிய நண்பர்கள் மூலம் பிரச்சனைகள் ஏற்படும்.தீய பழக்க வழக்கம் உருவாகாமல் பார்த்துக் கொள்வது நல்லது.காதல் வாழ்க்கையில் பல வழிகளில் பிரச்சனைகள் உருவாகும்.

நண்பர்களை  நம்பி தெரியாத விஷயத்தில் அகலக்கால் வைக்க வேண்டாம்.யாரையும் நம்பி பணம் தருவது,முன் பின்  தெரியாதவர்களிடம் பழகுவது  போன்றவற்றை சிறிது காலம்  தள்ளி வைப்பது நல்லது. 50 வயதுக்கு மேற்பட்ட மீன ராசிக்காரர்களுக்கு எந்த ஒரு பிரச்சனையும் ஏற்படாது. வீடு வாங்குவது, புது வீடு கட்டுவது, வண்டி வாகனம் வாங்குவது, புதிய கடை கட்டுவது, புதிய தொழில் செய்வது போன்ற அமைப்புகள் நல்ல முறையில் காணப்படுகிறது.  50 வயதுக்கு மேற்பட்டவர்கள்

இது போன்றவற்றிற்கான அடிப்படை வேலைகளை இந்த ஜனவரி மாதத்தில் இருந்து  தொடங்கலாம். மீன ராசிக்கார இளைஞர்களின் தாய் தந்தையர்களுக்கு கவலை கொள்ளும் அளவிற்கு எந்த ஒரு உடல் சார்ந்த பிரச்சனையும் ஏற்படாது. வயதிற்கு ஏற்றார் போல மீன ராசிக்காரர்களுக்கு 2025 ஆம் ஆண்டு ஜனவரி மாதம் நன்மைகள் ஏற்படும்.  மீன ராசியில் இருக்கும் இளைஞர்கள் சிறு வயதினர் மட்டும் சற்று எச்சரிக்கையாக இருப்பது நல்லது.